У Маскве гарэў абаронны завод «Салют». Там вырабляюць рухавікі для баявых самалётаў
На ўсходзе Масквы адбыўся пажар на тэрыторыі абароннага прадпрыемства «Салют», якое ўваходзіць у структуру расійскай дзяржкарпарацыі «Растэх». Пра здарэнне паведамілі мясцовыя СМІ.
Паводле інфармацыі тэлеграм-канала 112, набліжанага да расійскіх сілавікоў, на заводзе загарэлася тэхналагічнае абсталяванне.
На гэты момант пажар ліквідаваны. Афіцыйныя прычыны ўзгарання пакуль не называюцца.
Прадпрыемства «АДК-Салют» — адзін з найбуйнейшых вытворцаў у расійскім ВПК. Яно займаецца вытворчасцю і сэрвісным абслугоўваннем авіяцыйных рухавікоў як для цывільнай, так і для вайсковай авіяцыі (у тым ліку для знішчальнікаў Су-27, Су-30 і Су-35).
Праз працу на вайну завод знаходзіцца пад шматлікімі міжнароднымі санкцыямі — з боку ЗША, Еўрасаюза, Канады, Швейцарыі, Аўстраліі, Новай Зеландыі, Японіі і Украіны.