У Віцебску адбылося ўзгаранне ў інтэрнаце
Увечары 10 студзеня сістэма апавяшчэння аб надзвычайных сітуацыях «Маланка» паведаміла пра ўзгаранне ў інтэрнаце на віцебскай вуліцы Лазо.
Скрыншот з відэа
Пасля прыбыцця падраздзяленняў МНС на месца выкліку высветлілася, што ў памяшканні электрашчыта здарылася кароткае замыканне электраправодкі, якое згасла само па сабе.
Пацярпелых няма, эвакуацыя жыхароў не спатрэбілася.
Да месца выкліку было накіравана 12 адзінак тэхнікі МНС.