У Быхаўскім раёне на пажары загінуў мужчына
Увечары 9 студзеня на пажары ў аграгарадку Дуброва Быхаўскага раёна загінуў мужчына, паведамляе Міністэрства надзвычайных сітуацый.
Фота: МНС
Калі да месца выкліку прыбылі падраздзяленні МНС, хата гарэла адкрытым полымем, а дах і перакрыццё часткова абрынуліся. Са слоў суседзяў, у хаце мог знаходзіцца чалавек.
Падчас разведкі ў жылым пакоі работнікі МНС знайшлі абгарэлы труп мужчыны. Пошук загінулага быў абцяжараны высокай тэмпературай, шчыльным задымленнем і абрынутымі канструкцыямі.
У гэтай доме з дазволу гаспадароў жыў 68‑гадовы пенсіянер.
У выніку пажару быў знішчаны дах, перакрыцці, згарэла маёмасць, пашкоджаныя сцены дома. Разгляданая версія прычыны пажару — неасцярожнае абыходжанне з агнём пры курэнні.