За павольны інтэрнэт збіраюцца ўвесці вялікія штрафы — вось якія
Апошнія гады беларусы скардзяцца, што якасць інтэрнэту пагоршала.
Дэпутаты працуюць над законапраектам, які павялічыць штрафы для правайдараў за павольны інтэрнэт. Дакумент ужо разгледзелі ў першым чытанні.
Плануецца, што для юрыдычных асоб штраф складзе да 1000 базавых велічынь, для індывідуальных прадпрымальнікаў — да 200 базавых велічынь, паведаміў у эфіры СТБ дэпутат Палаты прадстаўнікоў Юрый Панфілаў. Цяпер гэта 45 тысяч і 9 тысяч рублёў адпаведна.
«Калі якасць сувязі не выконваецца, а БелДІЭ робіць замеры па ўсёй краіне, і тады аператару выстаўляе прэтэнзіі. У выпадку невыканання [аператар] можа прыцягвацца да адказнасці згодна з вось гэтым артыкулам 23.1, частка 2», — сказаў дэпутат.
Цяпер па гэтым артыкуле КоАП прапісаны штраф да 20 базавых.
Нагадаем, з пачатку гэтага года мабільных аператараў могуць штрафаваць за няякасны інтэрнэт.