Пад Гроднам адкрылі гарналыжную трасу
13 студзеня ў парку актыўнага адпачынку «Каробчыцкі Алімп», які знаходзіцца недалёка ад Гродна, пачаў працаваць гарналыжны спуск, паведамляе БелТА.
Даўжыня першай трасы складае каля 300 метраў, і гэта толькі пачатак. У найбліжэйшы час плануецца адкрыццё яшчэ адной гарналыжнай трасы працягласцю прыкладна 360 метраў.
Для наведвальнікаў будзе працаваць пад’ёмнік. Адпачывальнікі могуць прыязджаць са сваім спартыўным рыштункам або ўзяць горныя лыжы і сноўборды ў пункце пракату на месцы. Перакусіць і сагрэцца гарачым чаем можна ў мясцовай кавярні.
Гарналыжныя трасы будуць даступныя ў будныя дні з 14:00 да 21:00, а ў выхадныя — з 13:00 да 22:00.
Чытайце таксама:
«І горы не патрэбныя». Пад Гроднам мужчына зрабіў трасу для цюбінгу проста ў сваім двары
Беларус зрабіў лыжню на плошчы Перамогі ў самым цэнтры Мінска
Названыя самыя небяспечныя горкі ў Мінску для катання на цюбінгу