Каля мінскага Dana Mall на 17‑гадовую дзяўчыну ўпала глыба наледзі
Вечарам 17 студзеня з даху будынка гандлёвага цэнтра Dana Mall на 17‑гадовую дзяўчыну ўпала глыба снегу і наледзі. Яе з траўмамі шпіталізавалі.
Паводле следства, у гэты час на даху ГЦ праводзілася ачыстка ад снегу. Пры гэтым месца магчымага падзення снегу не было агароджана належным чынам, што і стала прычынай здарэння.
Па факце здарэння заведзеная крымінальная справа паводле арт. 155 Крымінальнага кодэкса (прычыненне цяжкага або менш цяжкага пашкоджання па неасцярожнасці).
Следчыя высвятляюць абставіны траўмавання непаўналетняй дзяўчыны.