У Мінску пабудуюць мост паміж Лошыцай і Серабранкай. Калі пачнуць?
Пуцеправод паміж Лошыцай і Серабранкай пачнуць узводзіць пасля таго, як пабудуюць мост паміж Масюкоўшчынай і Ціміразева. Аб гэтым распавёў старшыня Мінгарвыканкама Уладзімір Кухараў, пiша агенцтва «Мінск-Навіны».
На сустрэчы кіраўніка Мінска з калектывам «Вітэкс» жыхар Ленінскага раёна цікавіўся планамі па стварэнні транспартнай развязкі паміж Лошыцай і Серабранкай.
Мост можа быць тут
— Так, гэта прадугледжана Генпланам. Ад Паўднёвай магістралі працягнецца пуцеправод праз чыгунку, а другі — у раёне вул. Манюшкі, праз раку Свіслач. Гэтыя работы пачнём пасля завяршэння будаўніцтва пуцеправода, які злучыць Масюкоўшчыну з вул. Ціміразева, — адказаў Кухараў.
Мост жа паміж Каменнай Горкай і Масюкоўшчынай пачнуць будаваць у 2026 годзе.