У Брэсце пад коламі грузавіка загінула пенсіянерка. Кіроўца з’ехаў з месца ДТЗ
Сёння ў Брэсце 23‑гадовы кіроўца аўтамабіля ГАЗ пры руху заднім ходам збіў 73‑гадовую жанчыну.
Здарэнне адбылося каля 13 гадзін у раёне дома №16 па вуліцы К. Маркса.
Паводле інфармацыі ДАІ, кіроўца пакінуў месца здарэння, аднак неўзабаве быў затрыманы. Жанчына ад атрыманых траўмаў памерла на месцы, нягледзячы на спробы медыкаў аказаць дапамогу.