З панядзелка зноў чакаюцца моцныя маразы
Прагноз надвор'я на 7—9 лютага.
У суботу на большай частцы тэрыторыі краіны пройдуць ападкі (снег, мокры снег, на поўдні з дажджом). На асобных участках дарог галалёдзіца.
Ноччу тэмпература складзе ад -2°С па паўднёвым захадзе да -10°С па паўночным усходзе краіны; максімальная днём -1..-7°С. Атмасферны ціск істотна не зменіцца.
У нядзелю ўначы на большай частцы тэрыторыі краіны пройдзе снег, мокры снег, днём па поўдні краіны — невялікі кароткачасовы снег. Уначы месцамі слабы галалёд. На асобных участках дарог галалёдзіца. Вецер паўночна-ўсходні ўмераны, днём парывісты.
Ноччу ад -5°С па паўднёвым захадзе да -17°С па поўначы краіны, максімальная тэмпература днём -7..-13°С, у заходніх і паўднёвых раёнах -4..-6°С.
У панядзелак умовы надвор'я будзе вызначаць антыцыклон, сфармаваны ў арктычнай паветранай масе, які перамяшчаецца з поўдня Фінляндыі на Беларусь.
Месцамі слабы туман, намаразь, на дарогах галалёдзіца. Вецер пераменных напрамкаў умераны.
Ноччу -18..-24°С, месцамі да -28°С, у асобных раёнах па захадзе Беларусі -16..-17°С; максімальная днём -8..-15°С.
Надвор'е ў Мінску на наступныя дні паводле gismeteo.by