Пуцін і Лукашэнка сазваніліся
Яны абмеркавалі будучае пасяджэнне Вышэйшага дзяржаўнага савета Саюзнай дзяржавы, на якім будуць разгледжаны ключавыя аспекты інтэграцыйнага ўзаемадзеяння Беларусі і Расіі.
Фота: Ramil Sitdikov Pool Photo via AP
Аляксандр Лукашэнка і Уладзімір Пуцін вечарам 8 лютага правялі тэлефонную размову.
Галоўнай яго тэмай стала пасяджэнне Вышэйшага дзяржаўнага савета Саюзнай дзяржавы, паведамляе БелТА. Палітыкі абмеркавалі час і тэрміны яго правядзення, парадак і іншыя пытанні падрыхтоўкі мерапрыемства, на якім будуць разгледжаны ключавыя аспекты інтэграцыйнага ўзаемадзеяння Беларусі і Расіі.
Лукашэнка і Пуцін таксама абмеркавалі беларуска-расійскія сумесныя праекты і абстаноўку ў рэгіёне.