Вайскоўцы ЗША затрымалі яшчэ адзін танкер расійскага ценявога флоту

Пра тое, што сілы Мінабароны ЗША высадзіліся на борт судна Aquila II у Індыйскім акіяне, паведаміла прэс-служба Пентагона.

Скрыншот з відэа

У Пентагоне адзначылі, што судна дзейнічала «насуперак устаноўленаму прэзідэнтам Трампам каранціну для судоў, якія знаходзяцца пад санкцыямі ў Карыбскім моры».

«Карабель знік, мы рушылі за ім. Міністэрства абароны адсочвала і пераследавала гэтае судна ад Карыбскага мора да Індыйскага акіяна», — адзначылі ў Міністэрстве абароны ЗША, прыклаўшы відэа затрымання судна.

When the @DeptofWar says quarantine, we mean it. Nothing will stop DoW from defending our Homeland — even in oceans halfway around the world.

Overnight, U.S. military forces conducted a right-of-visit, maritime interdiction and boarding on the Aquila II without incident in the… pic.twitter.com/kYVAQC5io9

— Department of War (@DeptofWar) February 9, 2026

У заяве таксама адзначаецца, што парушальнікі хутчэй застануцца без паліва, чым змогуць уцячы ад амерыканскіх Узброеных сіл. Пентагон абяцае і надалей пазбаўляць незаконных удзельнікаў сусветнага гандлю і іх пасрэднікаў магчымасці дзейнічаць насуперак амерыканскаму ўплыву ў сусветнай марской прасторы.

Каментары да артыкула