У Касцюковічах падчас рамонту драбільнага млына загінуў электрагазазваршчык
Няшчасце здарылася вечарам 10 лютага.
33‑гадовы электрагазазваршчык выконваў рамонт млына-драбілкі, паведамляе СК.
Абсталяванне было адключана, але мужчына знаходзіўся на валах механізма і з дапамогай газавага разака спрабаваў дастаць металічны прадмет, які захрас.
Калі дэталь вызвалілася, яго па інерцыі зацягнула ўнутр агрэгата.
Калега пачуў крыкі і выклікаў экстранныя службы. Аднак, нягледзячы на аператыўныя дзеянні ратавальнікаў і медыкаў, выратаваць работніка не ўдалося.