У Белавежскай пушчы фотапастка зафіксавала двух рысяў ВІДЭА
У Белавежскай пушчы на відэа зафіксавалі рэдкіх жывёл — рысяў. Падобна на тое, што гэта маці і яе падрослае кацяня, паведамляе прэс-служба Нацыянальнага парка «Белавежская пушча».
Скрыншот з відэа
Супрацоўнікі нацыянальнага парку адзначаюць, што гэтае відэа — рэдкае і каштоўнае для навукі.
«На кароткім відэа добра бачныя грацыёзныя рухі дзвюх дзікіх катоў. Буйнейшая рысь рухаецца ўпэўнена, пастаянна кантралюючы сітуацыю. Такія паводзіны характэрныя для маці, якая працягвае апекавацца і навучаць падрослае кацяня навыкам выжывання ў лесе», — сказана ў паведамленні.
Гэтыя кадры дапамагаюць вучоным лепш вывучаць жыццё і сямейныя адносіны гэтых асцярожных звяроў. Спецыялісты ўпэўненыя: рысям у Белавежскай пушчы камфортна, тут яны могуць не толькі выжываць, але і размнажацца.
Рысь уключаная ў Чырвоную кнігу Беларусі (IV катэгорыя), хоць на яе цяпер і дазволілі абмежаванае паляванне. Матэрыялы з фотапастак дапамагаюць сачыць за станам віду ў краіне.
Чытайце таксама:
Шуневіч: Першы сезон палявання на рысяў скончыўся поўным правалам
У Клічаве проста па вуліцы горада шпацыравала рысь ВІДЭА
Арганізацыя, якой кіруе Шуневіч, пахвалілася чарговым забойствам — чырванакніжнай рысі
Іспанскі фатограф зрабіў першае ў свеце ФОТА белай пірэнейскай рысі
У лесе паміж Івянцом і Ракавам турысты сустрэлі рысь з рысянятамі ВІДЭА