На Партызанскім праспекце ў Мінску сам сабой перакуліўся грузавік
У Мінску на Партызанскім праспекце адбылося незвычайнае дарожна-транспартнае здарэнне — грузавік Mercedes перакуліўся без ніякага ўдзелу іншых аўтамабіляў.
Як паведамілі ў ДАІ, за рулём знаходзіўся 25‑гадовы кіроўца. Інцыдэнт адбыўся падчас пад’ёму на ўнутранае кальцо МКАД.
Падчас руху груз у кузаве зрушыўся, з-за чаго аўтамабіль страціў устойлівасць і перакуліўся проста на праезную частку.
На шчасце, ніхто не пацярпеў. Грузавік атрымаў механічныя пашкоджанні.