«Мінсктранс» назваў прычыны праблем з тралейбусамі
У Мінску працягваюцца выпадкі з перабоем у кантактнай сетцы.
У выніку складаных умоў надвор'я, павышэння тэмпературы навакольнага паветра, ападкаў і асядання салянога туману на кантактную сетку адзначаюцца прабоі ізаляцыі кантактнай сеткі, паведамілі на прадпрыемстве.
«За ўчорашні дзень зафіксавана 58 выпадкаў, у выніку якіх адбылося прыпыненне руху тралейбусаў. На сённяшні дзень работы па ліквідацыі аварыйных сітуацый не спыняюцца», — паведаміла прэс-сакратар Мінсктранса Алена Грамыка.
Актуальная інфармацыя пра адхіленні ад устаноўленага раскладу руху пасажырскага транспарту — у афіцыйным тэлеграм-канале
Чытайце таксама:
У Мінску спыніліся тралейбусы на многіх маршрутах
Пашкоджанне кантактнай сеткі паралізавала рух тралейбусаў у Мінску