Вызначылася сетка плэй-оф хакейнага турніру на Алімпіядзе. Ён праходзіць па хітрай сістэме
На Зімовых Алімпійскіх гульнях у Мілане вызначылася сетка плэй-оф мужчынскага хакейнага турніру.
Зборная Канады лічыцца галоўным фаварытам. На групавым турніры яна разграміла Чэхію з лікам 5:0, перамагла Швейцарыю 5:1 і знішчыла Францыю 10:2. Gregory Shamus/Getty Images
Турнір, у якім бяруць удзел 12 зборных, праходзіць па хітрай сістэме. Спачатку гэтыя 12 зборных разбіваюцца на тры групы па чатыры каманды ў кожным і звыкла гуляюць у адно кола.
Але потым ніхто не выбывае, а ўсе зборныя выстройваюцца ў рэйтынг ад 1 да 12. Першыя тры месцы займаюць пераможцы груп, а таксама найлепшая каманда з другіх месцаў. Астатнія зборныя ранжыруюцца з 4 па 12‑е месца ў залежнасці ад набраных балаў, гульняў паміж сабой і закінутых шайб.
Такім чынам усе зборныя працягваюць барацьбу.
Найлепшыя чатыры зборныя (у нашым выпадку гэта Канада, ЗША, Славакія (перамаглі ў групах) і Фінляндыя (найлепшая зборная з другіх месцаў) выйшлі адразу ў 1/4 фіналу і маюць два дні адпачынку.
А вось у 1/8 фіналу заўтра, 17 лютага, згуляюць паміж сабой Швейцарыя — Італія, Германія — Францыя, Чэхія — Данія, Швецыя — Латвія.
Ілюстрацыя: Беларускі хакей
У 1/4 фіналу 18 лютага згуляюць:
Канада з пераможцам пары Чэхія — Данія,
ЗША — Швецыя/Латвія
Славакія — Германія/Францыя
Фінляндыя — Швейцарыя/Італія.
Паўфіналы пройдуць у пятніцу, матч за 3‑е месца ў суботу, фінал — у нядзелю.
Упершыню за апошнія 12 гадоў у спаборніцтвах прымаюць удзел гульцы НХЛ.