У Салігорску загарэўся інтэрнат
Увечары 16 лютага ў дзевяціпавярховым інтэрнаце на вуліцы Заслонава ў Салігорску адбыўся пажар, паведамляе прэс-служба МНС.
Скрыншот з відэа
Полымя ўзнікла ў адным з пакояў на чацвёртым паверсе — загарэлася пасцельная бялізна на плошчы каля двух квадратных метраў. Спрацавала пажарная сігналізацыя.
З небяспечнай зоны былі эвакуяваныя 67 чалавек, у тым ліку 10 дзяцей.
Ратавальнікі аператыўна ліквідавалі ўзгаранне. Паводле інфармацыі МНС, пацярпелых няма.