Хакеры ўзламалі букмекерскі сайт — уцяклі даныя тысяч беларусаў
На сайце інтэрнэт-казіно Maxbet адбылася маштабная ўцечка: хакеры выкралі асабістыя даныя каля 10 тысяч чалавек. Цяпер у махляроў ёсць імёны, тэлефоны і электронныя адрасы кліента.
Нацыянальны цэнтр забеспячэння кібербяспекі заявіў пра інцыдэнт высокага ўзроўню на рэсурсе ТАА «Максбет-М».
У выніку несанкцыянаванага доступу да інфармацыйнай інфраструктуры адбылася ўцечка персанальных даных каля 10 тысяч грамадзян.
Злодзеі атрымалі доступ да прозвішчаў, імёнаў, дат нараджэння, адрасоў электроннай пошты і нумароў тэлефонаў кліентаў, а таксама звестак аб іх месцы жыхарства.
З-за маштабу праблемы працу сайта maxbet.by спынілі «да поўнага ўхілення прычын інцыдэнту».