Беларуская фігурыстка Вікторыя Сафонава заняла 26‑е месца ў кароткай праграме і закончыла выступ на Алімпіядзе
Учора на Зімовых Алімпійскіх гульнях адбылася кароткая праграма ў жаночым адзіночным катанні. На лёд выйшлі 29 фігурыстак.
Фота: НАК
Беларуская фігурыстка Вікторыя Сафонава адкрывала праграму. Яна набрала 54,57 бала. Як высветлілася потым, гэта быў вельмі нізкі бал.
Вікторыя ў выніку заняла 26‑е месца і не змагла адабрацца ў лік 24 фігурыстак, што працягнуць у чацвер барацьбу ў свабоднай праграме за медалі.
Найлепшы вынік у кароткай праграме паказала японка Амі Накаі — 78,71, у яе суайчынніцы Каоры Сакамота — 77,23, у амерыканкі Алісы Лю — 76,59. Расіянка Адэлія Петрасян паказала пяты вынік — 72,89.
24 фігурысткі ў чацвер разыграюць медалі, а Сафонава пакідае Алімпіяду.