У кіно па-беларуску пакажуць другую частку «Валадара пярсцёнкаў»
Сеансы будуць з наступнага тыдня.
У кінатэатрах сеткі mooon пакажуць другую частку «Валадара пярсцёнкаў» у беларускай агучцы. Сенсы пройдуць з 26 лютага да 11 сакавіка. Будзе гэта толькі Мінск ці Гродна таксама, пакуль не ўдакладняецца.
У кінатэатры можна будзе пабачыць рэжысёрскую версію «Валадара пярсцёнка. Дзве вежы» (працягласць амаль 4 гадзіны).
На першую частку «Валадара пярсцёнкаў» быў ажыятаж — квіткі так раскуплялі, што зрабілі дадатковыя сеансы.