Зяленскі: Украіна не прыме ультыматумаў ад Расіі
Украіна гатовая абмяркоўваць кампрамісы са Злучанымі Штатамі і іншымі партнёрамі, але не прыме ультыматумаў ад Расіі. Пра гэта заявіў украінскі прэзідэнт Уладзімір Зяленскі ў інтэрв'ю Kyodo.
Фота: Ebrahim Noroozi / AP
«Мы гатовыя да рэальных кампрамісаў. Але не да кампрамісаў цаной нашай незалежнасці і суверэнітэту. Мы гатовыя казаць пра кампрамісы са Злучанымі Штатамі», — сказаў ён.
Ён падкрэсліў гатоўнасць абмяркоўваць спыненне баёў па прынцыпе «стаім там, дзе стаім» і назваў гэта «вялікім кампрамісам».
Прэзідэнт Украіны раней ужо казаў, што прынцып «стаім, дзе стаім» Кіеў лічыць самай справядлівай і надзейнай базавай мадэллю для спынення агню. З ягоных слоў, «такі кампрамісны, на іх погляд, варыянт», прапануюць менавіта ЗША.