Праезд у адной з мінскіх маршрутак падаражэе да пяці рублёў
У сацсетцы Threads апублікавалі здымкі: адна мінская маршрутка вырашыла падвысіць кошт праезду. З 1 сакавіка за праезд з канца ў канец трэба будзе заплаціць ужо 5 рублёў.
Гаворка ідзе пра маршрутку №1183 «Аўтастанцыя Аўтазаводская — Ждановічы», якая праходзіць літаральна праз увесь горад, піша Blizko.by.
Пасажыры пішуць, што з сакавіка 2025 года і дагэтуль — гэта значыць цэлы год — праезд каштаваў 3,5 рубля. Цяпер жа давядзецца заплаціць 5 рублёў, што адразу на 42% больш.
За праезд на ўчастку ад Каменнай Горкі да Ждановічаў трэба будзе заплаціць 2 рублі.
- — Збіраецеся чацвёра раніцай на прыпынку — і на таксі.
- — 1183 — самыя «забітыя» і смуродныя маршруткі Мінска, пракураны, завэдзганы салон.
- — Многія маршруткі дагэтуль ездзяць за 3 рублі. Раней з працы ездзіла на 1183, яна была лідарам па кошце праезду.
- — Давядзецца больш хадзіць. Якраз да лета можна схуднець.
- — Маршрутка 1183 — гэта проста асобны сусвет. У іх там свае тарыфы, яны раней за ўсіх павышаюць кошт праезду, «забітыя» маршруткі, якія трашчаць па швах, а адэкватных кіроўцаў 1—2. Зручны для мяне транспарт, але перастала карыстацца менавіта 83 праз вялікую колькасць выпадкаў неадэкватнасці кіроўцаў і таго, як яны кіруюць.
- — Ура, таксі таннейшае за маршрутку!
- — Выгадней браць сутачны праязны на метро, аўтобус, электробус, трамвай, тралейбус, аўтобус-экспрэс за 4 рублі 81 капейку на ўвесь дзень. А тут 5 рублёў за адну паездку — жах.
- — Не ведаю, як цяпер, але гадоў 10—14 таму яшчэ і стаячых пасажыраў бралі. Успомніў — перахрысціўся.