Вярхоўны лідар Ірана аятала Алі Хаменеі забіты, яго цела знойдзена — крыніцы ў Ізраілі
Вярхоўны лідар Ірана аятала Алі Хаменеі забіты, яго цела знайшлі ў яго разбуранай рэзідэнцыі. Пра гэта паведамляе Reuters са спасылкай на высокапастаўленага чыноўніка ў Ізраілі.
Алі Хаменеі
Таксама пра смерць 86‑гадовага аяталы Хаменеі паведамляюць ізраільскія СМІ.
Сцвярджаецца, што дакументацыя па выцягванні цела Хаменеі з руін аказалася даступная прэм'ер-міністру Ізраіля Біньяміну Нетаньяху і высокапастаўленым супрацоўнікам службы бяспекі Ізраіля.
Раней Біньямін Нетаньяху заявіў, што «ёсць шмат прыкмет таго, што Хаменеі больш няма ў жывых».
Выданне Axios піша, што амбасадар Ізраіля ў ЗША праінфармаваў высокапастаўленых амерыканцаў пра гібель Хаменеі.
Іран афіцыйна гэтыя паведамленні не пацвярджае, але з'явілася паведамленне кітайскага міжнароднага выдання CGTN, што зварот Хаменеі да народа быў адменены ў апошні момант. Магчыма, што звяртацца насамрэч няма каму.
Чытайце таксама:
Падчас удараў па Тэгеране загінулі зяць і нявестка Алі Хаменеі
Рэзідэнцыя аяталы Хаменеі ляжыць у руінах, што з ім самім — невядома