Трамп заявіў, што вайскоўцы ЗША могуць пачаць суправаджаць танкеры ў Армузскім праліве
Дональд Трамп напісаў у сацсетцы Truth Social, што даў распараджэнне Карпарацыі фінансавання развіцця ЗША пачаць рабіць «за вельмі разумную цану» страхаванне палітычных рызык і гарантыі фінансавай бяспекі ўсяму марскому гандлю, які праходзіць праз Персідскі заліў.
Армузскі праліў. Здымак са спадарожніка: Wikimedia Commons
«Гэтая паслуга будзе даступная ўсім суднаходным кампаніям. Пры неабходнасці Вайскова-марскія сілы ЗША пачнуць суправаджаць танкеры праз Армузскі праліў», — заявіў Трамп.
Армузскі праліў — адзіны выхад для экспарту нафты з краін Персідскай затокі. Праз яе перавозіцца да траціны звадкаванага прыроднага газу і амаль чвэрць спажыванай у свеце нафты.
Чытайце таксама:
З-за вайны ў Іране цэны на газ у Еўропе ўзляцелі амаль на 50%
Кітай запатрабаваў ад Ірана не перашкаджаць пастаўкам катарскага звадкаванага прыроднага газу