Джон Коўл падзякаваў Лукашэнку за сённяшняе вызваленне палітвязняў
Спецпрадстаўнік прэзідэнта ЗША па Беларусі Джон Коўл падзякаваў Аляксандру Лукашэнку за памілаванне 5 сакавіка 18 чалавек.
Джон Коўл. Фота: Yauhen Yerchak / Anadolu via Getty Images
«Дзякуй, прэзідэнт Лукашэнка, за памілаванне сёння 18 палітвязняў. Гэта яшчэ адзін важны крок у адносінах паміж ЗША і Беларуссю, паколькі прэзідэнт Трамп даручыў мне вызваліць усіх палітвязняў», — напісаў Коўл у Х.
5 сакавіка Лукашэнка сапраўды падпісаў указ аб памілаванні 18 чалавек, аднак не ўсе яны былі асуджаныя па палітычна матываваных абвінавачваннях. Палітвязнямі з іх з'яўляюцца толькі 15 чалавек, імёны іх пакуль невядомыя. Вядома толькі, што большасць жанчыны, прытым адна цяжарная. Таксама вызваленыя дзве сямейныя пары.