Ва УСУ паведамілі пра пашкоджанне двух расійскіх фрэгатаў
Генштаб УСУ паведаміў, што паводле вынікаў дадатковага аналізу ўдараў, нанесеных 2 сакавіка 2026 года па вайскова-марской базе «Новарасійск» у расійскім Краснадарскім краі пацверджана пашкоджанне двух караблёў расійскага Чарнаморскага флоту — фрэгатаў «Адмірал Эсэн» і «Адмірал Макараў».
Ступень пашкоджанняў караблёў цяпер удакладняецца. Таксама працягваецца аналіз інфармацыі адносна магчымых пашкоджанняў іншых караблёў расійскіх сіл.
Раней паведамлялася, што ў выніку атакі сотняў беспілотнікаў пашкоджанні маглі атрымаць адразу пяць караблёў, якія знаходзіліся ў гэтым порце.
Чытайце таксама:
Стаў вядомы вынік налёту дронаў на порт у Новарасійску: пашкоджаны пяць вайсковых караблёў
Пасол Украіны паведаміла пра патрабаванне ЗША не наносіць удары па нафтавым тэрмінале ў Новарасійску