Нехта ў Мінску атрымаў на 8 Сакавіка 151 ружу і выставіў букет на «Куфры»
Вялізныя букеты называюць «раскошным максімумам», але цешаць яны не ўсіх. У Мінску нехта атрымаў у падарунак 151 ружу — і амаль адразу букет выставілі на продаж, піша Onliner.
Такі букет з чырвоных руж гатовы аддаць за 580 рублёў.
«151 ружа ў кошыку, падораная ўвечары 7 сакавіка. Кошт на сайце 1200 рублёў. Самавываз у любы час», — аб'ява з'явілася напярэдадні свята.
Выглядае, букет выставілі на продаж практычна адразу пасля ўручэння.
Ранкам 9 сакавіка букет яшчэ чакаў новага гаспадара. Цяпер аб'ява неактыўная — ці то прадалі букет, ці то знялі з продажу.
Зрэшты, ёсць букеты і больш сціплыя.
Яшчэ ў адной аб'яве — верагодна, гэта таксама падораны букет — прадавец не ведае яго дакладную цану, таму прапануе пакупнікам самім назваць яе.