У Кобрыне трохгадовая дзяўчынка выпала з акна пятага паверха
У Кобрыне трохгадовая дзяўчынка выпала з акна пятага паверха. Пра здарэнне паведамілі ў Следчым камітэце.
Скрыншот з відэа
Паводле папярэдняй інфармацыі, увечары 12 сакавіка дзіця засталося адно ў пакоі, пакуль бацькі былі на кухні. Калі дарослыя вярнуліся, яны ўбачылі, што акно адчынена, а ўнізе пад домам ляжыць іх дачка.
Бацькі адразу выклікалі хуткую дапамогу. Медыкі, якія прыбылі на месца, забралі дзяўчынку ў бальніцу. У яе знайшлі шматлікія траўмы, і цяпер ёй аказваюць неабходную медыцынскую дапамогу.
Абставіны здарэння высвятляюцца.
Чытайце таксама:
У Магілёве з акна інтэрната выпала дзяўчынка