Пасольства ЗША ў Багдадзе атакаваў дрон
Над дыпламатычным аб’ектам падняўся дым.
Скрыншот відэа
Пасольства ЗША ў Багдадзе было атакавана дронам у суботу раніцай, піша Al Arabiya са спасылкай на іракскага прадстаўніка службы бяспекі.
«Дрон ударыў па пасольстве», — паведаміў супрацоўнік службы бяспекі. Другая крыніца пацвердзіла, што атака была накіравана менавіта на дыпламатычную місію.
Пасольства ЗША ў Багдадзе і іншыя афіцыйныя асобы пакуль не апублікавалі дэталяў пра маштаб шкоды і дадатковыя падрабязнасці атакі
Associated Press са спасылкай на двух супрацоўнікаў службы бяспекі паведаміла, што тэрыторыю амерыканскага пасольства атакавала ракета. Удар прыйшоўся па верталётнай пляцоўцы.