У Брэсце пад аўтамабілем на паркоўцы праваліўся асфальт
У Брэсце раніцай 14 сакавіка пад аўтамабілем на паркоўцы праваліўся асфальт — Ford павіс над вялікай ямінай. Гэта здарылася ў раёне Вулька.
Фота і відэа з’явілася ў сацыяльнай сетцы Threads. Глыбіня ямы — 4 метры, шырыня — 3 метры.
Аўтар кажа, што гэта не першы выпадак у тым раёне.
Трохі пазней месца інцыдэнту агарадзілі, аўтамабіль прыбралі.