Вясковец у Ашмянскім раёне спальваў смецце, а згарэў хлеў
Здарэнне адбылося ўчора ў вёсцы Гудоўшчына.
Вясковец у абед спальваў смецце на ўчастку каля дома. Ён развёў вогнішча побач з гаспадарчай пабудовай. Калі заўважыў дым з хлява, то выклікаў ратавальнікаў, але спачатку спрабаваў самастойна справіцца з агнём, піша Kraj.by.
Падраздзяленні МНС прыбылі ў вёску і патушылі пажар. У выніку агнём пашкоджаны дах хлява, перакрыцце і сцены.