Прэзідэнт Коста-Рыкі распарадзіўся закрыць пасольства Кубы
Дэманстратыўны крок адбыўся на грамадскім мерапрыемстве ў прысутнасці пасла ЗША.
Фота: Carla Orozco Odio / Bloomberg via Getty Images
Прэзідэнт Коста-Рыкі Радрыга Чавес Роблес «у знак пратэсту супраць дрэнных умоў жыцця насельніцтва на Кубе» распарадзіўся закрыць пасольства рэспублікі і выслаць дыпламатычны персанал.
Як паведамляе Reuters, дэманстратыўны крок адбыўся на грамадскім мерапрыемстве ў прысутнасці пасла ЗША.
Чавес заявіў, што Коста-Рыка не прызнае легітымнасць камуністычнага рэжыму Кубы, і заклікаў «ачысціць паўшар’е ад камуністаў».