Беларускія палігоны застаўляюць «зубамі дракона»
Інжынерныя падраздзяленні Беларусі пачалі ставіць на палігонах спецыяльныя бетонныя перашкоды, вядомыя як «зубы дракона». Работы праводзяцца ў межах вучэнняў войскаў Заходняга аператыўнага камандавання, якія стартавалі 19 сакавіка пад кіраўніцтвам Міністэрства абароны Беларусі.
Гэтыя канструкцыі ўяўляюць сабой бетонныя тэтраэдры, прызначаныя для спынення як гусенічнай, так і колавай тэхнікі. Калі баявая машына наязджае на такую перашкоду, яна губляе магчымасць рухацца далей, і праціўнік вымушаны прасоўвацца праз небяспечныя ўчасткі.
Кожная такая канструкцыя важыць прыкладна тону і мае вышыню больш за адзін метр.
Чытайце таксама:
У кастрычніку пройдуць два буйныя вайсковыя вучэнні