Ягор Шаранговіч выйшаў на другое месца сярод беларускіх бамбардзіраў у НХЛ
27‑гадовы беларускі форвард «Калгары» сёння адзначыўся выніковай перадачай і набраў 223‑і бал у кар’еры.
NHL.com
Дзякуючы гэтаму ён абышоў Андрэя Касціцына, у якога 222 балы за кар’еру ў НХЛ.
Першае месца ў Міхаіла Грабоўскага, які даўно завяршыў кар'еру, у яго 296 балаў.
У Руслана Салея — 202, у Сяргея Касціцына — 176, Уладзіміра Цыплакова — 170.
З беларускіх хакеістаў, што сёння выступаюць у Нацыянальнай хакейнай лізе, Аляксей Протас («Вашынгтон») мае 166 балаў, Уладзіслаў Калячонак («Бостан») — 87, Арцём Леўшуноў («Чыкага») — 83, Ілля Салаўёў («Пітсбург») — 42.
Чытайце таксама:
Аляксандр Авечкін стаў другім хакеістам у гісторыі НХЛ, які закінуў 1000 шайб
18‑гадовы беларускі галкіпер у Канадзе ўчыніў бойку з візаві суперніка