15‑гадовая школьніца з-пад Мінска вынесла з дому ўсе грошы бацькоў і схавала пад дрэвам
На працягу двух тыдняў дзяўчына з Цнянкі штодзённа кантактавала з махлярамі ў тэлеграме.
Зламыснікі не толькі давалі ўказанні, але і выпытвалі падрабязнасці асабістага жыцця сям’і.
Схема, якую выкарыстоўвалі кіберзлачынцы, аказалася класічнай для падобных выпадкаў: пад пагрозамі крымінальнай адказнасці, ператрусаў і «праблем» у бацькоў яны запалохвалі непаўналетнюю.
Аферысты пераканалі школьніцу, што сямейныя зберажэнні неабходна перадаць ім нібыта для дэкларавання або захавання.
У выніку дзяўчына самастойна вынесла з дому 8100 даляраў і 930 еўра і пакінула іх пад дрэвам у дамоўленым месцы.