«Мінсктранс» узначаліў Канстанцін Галалобаў
Ён пачынаў як кіроўца аўтамабіля.
На пасаду генеральнага дырэктара «Мінсктранс» прызначаны Канстанцін Галалобаў, паведамілі Мінск-Навінам у Мінгарвыканкаме.
Канстанцін Галалобаў — ураджэнец Наваполацка. Скончыў Беларускі нацыянальны тэхнічны ўніверсітэт, пазней — Акадэмію кіравання.
Уся прафесійная дзейнасць Галалобава звязаная са структурамі «Мінсктранса», дзе ён прайшоў па кар’ернай лесвіцы шлях ад кіроўцы аўтамабіля філіяла «Аўтобусны парк № 7». Да прызначэння на цяперашнюю пасаду Канстанцін Галалобаў працаваў на пасадзе першага намесніка гендырэктара — галоўнага інжынера «Мінсктранса».