Беларуска хацела атрымаць у польскім банку іпатэку, а цяпер можа сесці на пяць гадоў

У Варшаве паліцыя затрымала двух чалавек за спробу незаконна атрымаць жыллёвы крэдыт. Сярод іх — 31‑гадовая грамадзянка Беларусі і крэдытны пасярэднік. Яны падазраюцца ў махлярстве, бо дзейнічалі разам і выкарыстоўвалі падробленыя дакументы, паведамляе варшаўская паліцыя.

Затрыманне беларускі. Фота: Komenda Stołeczna Policji

Польскія праваахоўнікі высветлілі, што жанчына падала ў банк фальшывыя звесткі пра даходы ад сваёй прадпрымальніцкай дзейнасці, значна завысіўшы іх, каб атрымаць крэдыт на суму больш за 535 тысяч злотых (каля 146 тысяч даляраў). Дакументы ў банк ад яе імя перадаў пасярэднік.

Беларуску з пасярэднікам затрымалі ў той момант, калі яны прыйшлі ў банк, каб завяршыць афармленне і падпісаць крэдытную дамову. Пасля правядзення неабходных працэдур абодвум выставілі абвінавачанне ў крэдытным махлярстве. Ім пагражае да 5 гадоў пазбаўлення волі.

Каментары да артыкула