У Брэсце 7‑гадовы хлопчык трапіў пад машыну
У Брэсце на вуліцы Якельчыка машына збіла 7‑гадовага хлопчыка, які перабягаў дарогу.
Фота: УУС Брэсцкага аблвыканкама
Па папярэдняй інфармацыі, каля 17:45 33‑гадовы кіроўца на аўтамабілі Peugeot рухаўся па вуліцы Якельчыка і збіў дзіця каля дома №21. Хлопчык перасякаў праезную частку па-за пешаходным пераходам, злева направа па ходзе руху аўтамабіля.
У выніку ДТЗ хлопчыка даставілі ў медыцынскую ўстанову для ацэнкі стану здароўя. Праводзіцца праверка здарэння.