ЗША накіравалі Ірану план з 15 пунктаў па спыненні вайны
Гэты план адлюстроўвае імкненне адміністрацыі прэзідэнта ЗША Дональда Трампа знайсці выхад з канфлікту.
Дональд Трамп, віцэ-прэзідэнт Джэй Дзі Вэнс, дзяржсакратар Марка Рубіа і кіраўнік Пентагона Піт Хегсэт. Фота: Alex Wong / Getty Images
ЗША накіравалі Ірану план з 15 пунктаў па спыненні вайны на Блізкім Усходзе, піша The New York Times са спасылкай на двух чыноўнікаў.
Гэты план адлюстроўвае імкненне адміністрацыі прэзідэнта ЗША Дональда Трампа знайсці выхад з канфлікту на фоне барацьбы з яго эканамічнымі наступствамі. План закранае балістычныя ракеты і ядзерныя праграмы Ірана, а таксама марскія маршруты.
Газета адзначае, што пакуль незразумела, наколькі шырока план быў распаўсюджаны сярод іранскіх чыноўнікаў і ці прыме Іран яго як аснову для перамоваў.
Таксама невядома, ці падтрымлівае яго Ізраіль, які разам са Злучанымі Штатамі пачаў аперацыю супраць Ірана ў канцы лютага.