Скарынаўскай бібліятэцы ў Лондане перадалі частку архіва Рады БНР, якую лічылі можа ўжо і страчанай
Сакратар Рады Беларускай Народнай Рэспублікі і Апякунская рада Беларускай бібліятэкі і музея імя Францыска Скарыны ў Лондане паведамілі пра перадачу бібліятэцы часткі дзяржаўнага архіва БНР, які зберагаўся ў старшыні Рады БНР Міколы Абрамчыка.
Пасля смерці Міколы Абрамчыка ў 1970 годзе рашэннем Рады БНР дакументы Рады з яго архіва мусілі быць перададзеныя на захаванне і для даследавання ў Бібліятэку імя Францыска Скарыны, аднак да 2025 года былі па-за валоданнем Рады БНР.
Цяпер, пасля аднаўлення ўласнасці Рады БНР над гэтымі дакументамі, было вырашана, што Рада БНР перадае архіў Міколы Абрамчыка на захаваньне і выкарыстаньне Беларускай бібліятэцы імя Скарыны да часу складання гістарычнага мандата Рады БНР адпаведна Статуту Рады БНР і прыняцця супольнага рашэння аб далейшым юрыдычным лёсе архіва.
Пасля папярэдняй інвентарызацыі архіва ён у хуткім часе стане даступны даследчыкам.
Чытайце таксама:
Улады Прагі на 25 сакавіка ўзнялі бел-чырвона-белыя сцягі
У красавіку выйдзе «Выбранае» Кастуся Езавітава
Сёння — Дзень Волі. 108 гадоў таму была абвешчана незалежнасць БНР