У расійскім Чэлябінску падлетак прынёс у школу арбалет і стрэліў аднакласніцы ў галаву
Затым заліў пярцовым газам настаўнікаў у калідоры і выскачыў у акно ды зламаў ногі.
Надзвычайнае здарэнне адбылося сёння раніцай у школе №32 расійскага Чэлябінска, паведамляе Mash.
15‑гадовы хлопец забег у клас, распыліў газ, стрэліў у настаўніка з пластыкавага арбалета, але прамахнуўся і страла трапіла ў аднакласніцу.
Пасля заліў пярцовым газам педагогаў у калідоры і выскачыў з акна чацвёртага паверха. У выніку зламаў дзве нагі.
У школьніцы, у якую трапіла страла, рэзаная траўма галавы. І аднакласніца і нападнік шпіталізаваныя.
Хлопчыка завуць Арцём, ён таксама пранёс у школу сігнальны пісталет.
Пацярпелі трое педагогаў школы — у іх дыягнаставалі хімічныя апёкі вачэй і твару. Заняткі ў школе адмененыя.
Апошнія месяцы ў Расіі пачасціліся напады вучняў у школах.