У мінскім метро чалавек захацеў набыць адразу 3 тысячы жэтонаў
У сувязі з павышэннем кошту праезду ў грамадскім транспарце з 27 сакавіка 2026 года ў мінскім метро назіраецца падвышаны попыт на жэтоны, паведаміла прэс-служба метрапалітэна.
Фота: Мінскі метрапалітэн
Пры гэтым зафіксаваны нават адзін зусім незвычайны выпадак — адзін чалавек хацеў купіць адразу 3 тысячы жэтонаў. Ці задаволілі яго просьбу — не паведамляецца.
Метрапалітэн у сувязі з гэтым нагадвае пасажырам, што набытыя жэтоны вяртанню не падлягаюць.
Таксама ён звяртае ўвагу на альтэрнатыву назапашванню жэтонаў — набыццё праязных на пэўную колькасць паездак, калі кошт адной паездкі атрымліваецца ніжэйшы.
Акрамя таго, можна набыць адзіны праязны дакумент, які дзейнічае на ўсе віды гарадскога транспарту.
Чытайце таксама:
Пасля Мінска кошт праезду ў грамадскім транспарце падаражэе і ў рэгіёнах
У чатырох абласцях Беларусі выраслі цэны на праезд грамадскім транспартам