У Гродне цягнік збіў жанчыну, якая ішла цераз рэйкі ў навушніках
Інцыдэнт адбыўся 28 сакавіка 2026 года каля 16:05 на ўчастку «Гродна — парк Раённая».
Скрыншот з відэа
Паводле папярэдняй інфармацыі, 42‑гадовая жанчына ішла ў навушніках і слухала музыку, таму не заўважыла і не пачула цягнік, які набліжаўся. Яна павярнула галаву толькі ў апошні момант, калі састаў ужо быў зусім блізка.
Пры гэтым пераезд быў абсталяваны пешаходным пераходам, святло– і гукавой сігналізацыяй, а таксама відэаназіраннем.
Пацярпелую даставілі ў бальніцу з цяжкімі траўмамі: чэрапна-мазгавой траўмай, шматлікімі пашкоджаннямі цела, пераломамі рэбраў, пашкоджаннем лёгкіх, а таксама пераломамі пазваночніка.
Зараз праводзіцца праверка, каб высветліць усе абставіны здарэння.