Выратаваныя з прыватнага заапарка ў Дагестане львяняты могуць адправіцца ў Беларусь
Ільвяняты, якія з Дагестана былі прывезены ў прытулак у Валгаградскай вобласці, могуць адправіцца ў заапарк у Беларусі. Пра гэта паведаміла дырэктар фонду абароны жывёл і прытулку «Дына» Анжэла Макарава.
«Мы супрацоўнічаем з Еўраазіяцкай асацыяцыяй заапаркаў (ЕАРАЗА), і яны ўжо зацікавіліся ільвянятамі. Яны паведамілі, што ёсць запыт у Беларусь, у мінскі заапарк. Там наогул вельмі добрыя заапаркі. І калі кагосьці гатовыя будуць узяць, мы будзем толькі радыя», — сказала агенцтву ТАСС Макарава.
Яна адзначыла, што львяняты, безумоўна, павінны прайсці каранцін, аднавіць сілы, і толькі пасля адаптацыі можна будзе разглядаць варыянт перадачы жывёл у іншыя заапаркі.
У валгаградскі прытулак для жывёл прывезены пяцёра львянят, якія па рашэнні суда былі канфіскаваныя з прыватнага заапарка ў Дагестане праз дрэннае ўтрымліванне.