На экстранны збор на дапамогу вызваленым палітвязням сабрана 90 тысяч еўра
Збор быў абвешчаны 19 сакавіка адразу пасля таго, як стала вядома пра вызваленне 250 палітвязняў. «Байсол» заявіў пра суму ў 250 000 еўра.
Калі будзе сабрана сума, сродкі размяркуюць паміж вызваленымі.
Падтрымаць збор можна па спасылцы, але ні ў якім разе нельга гэтага рабіць з беларускіх ці расійскіх картак.
Па дапамогу экс-палітзняволеныя могуць звярнуцца, напісаўшы ў тэлеграм @bysol_pzk. Заяўкі будуць прымацца да 31 жніўня 2026 года ўключна.
Па стане на раніцу 30 сакавіка сабрана 90 770 еўра.