Памочнік Пуціна заявіў пра кантакты з ЗША пакуль перамовы на паўзе
«Мы падтрымліваем кантакты з амерыканцамі, але бачым, што і ўкраінцы таксама актыўна з імі маюць кантакты», — сказаў Юрый Ушакоў.
Юрый Ушакоў і Уладзімір Пуцін. Фота: Contributor / Getty Images
У Расіі заявілі, што трохбаковыя перамовы адносна Украіны «на паўзе», паколькі амерыканскія перамоўшчыкі «занятыя іншым». Пра гэта заявіў памочнік расійскага кіраўніка Юрый Ушакоў, піша ТАСС.
«Зараз у трохбаковых перамовах наступіла паўза. Мы падтрымліваем кантакты з амерыканцамі, але бачым, што і ўкраінцы таксама актыўна з імі маюць кантакты. Цяпер амерыканскія перамоўшчыкі — мы ведаем, пра каго ідзе гаворка — занятыя іншым, іншай праблемай у большай ступені», — сказаў ён.
Акрамя таго, Ушакоў распавёў, ці інфармуюць ЗША Расію пра ход сваіх перамоў з Украінай.
«Працягваецца працэс кантактаў, і ў ходзе гэтых кантактаў мы абмяркоўваем, я б сказаў, найперш украінскую праблематыку», — адзначыў ён.