Назвалі самага багатага атлета за ўсю гісторыю сусветнага спорту

Апублікавалі рэйтынг самых высокааплатных спартсменаў у гісторыі, дзе на першым месцы па-ранейшаму знаходзіцца легендарны амерыканскі баскетбаліст Майкл Джордан.

Майкл Джордан. Фота: Andrew Harrer/Bloomberg via Getty Images

Паводле версіі выдання Sportico, сумарныя даходы шасціразовага чэмпіёна НБА Майкла Джордана склалі 3,28 мільярда даляраў (4,5 мільярда з улікам інфляцыі). За ім ідзе яшчэ адна амерыканская знакамітасць — гальфіст Тайгер Вудс з капіталам у 1,97 мільярда даляраў (2,88 мільярда з улікам інфляцыі).

Спіс тройкі спартсменаў-багацеяў за ўсю гісторыю завяршае партугальскі форвард саудаўскага «Аль-Насра» — Крышціяну Раналду ($2,52 мільярда з улікам інфляцыі).

У топ-10 самых высокааплатных спартсменаў з улікам інфляцыі таксама ўвайшлі:

• амерыканскі баскетбаліст Леброн Джэймс (2,03 мільярда);
• аргенцінскі нападаючы «Інтэр Маямі» Ліянэль Месі (1,99 мільярда);
• амерыканскія гальфісты Арнольд Палмер (1,85 мільярда) і Джэк Ніклаус (1,83 мільярда);
• экс-футбаліст зборнай Англіі Дэвід Бэкхэм (1,68 мільярда);
• швейцарскі тэнісіст Роджэр Федэрэр (1,67 мільярда);
• амерыканскі баксёр Флойд Мэйвезер (1,57 мільярда).

Адзінай жанчынай у гэтым элітным рэйтынгу аказалася амерыканская тэнісістка Серэна Уільямс, яна займае 40‑е месца з даходам у 680 мільёнаў даляраў.

Каментары да артыкула