Кім Чэн Ын наведаў будаўніцтва музея, прысвечанага «вызваленню» Курскай вобласці
Лідара КНДР суправаджалі кіраўнічыя кадры ЦК Працоўнай партыі Карэі. Кім Чэн Ын азнаёміўся з ходам аздобных работ і станоўча адгукнуўся аб працэсе, паведамляе Паўночнакарэйскае тэлеграфнае агенцтва (KCNA).
Будаўніцтва музея завершана прыкладна на 97%. Цырымонія завяршэння будаўніцтва будзе прымеркавана да гадавіны заканчэння аперацыі «па вызваленні Курскай вобласці», паведамляе KCNA.
Некалькі тысяч вайскоўцаў КНДР ваявалі з украінцамі ў Курскай вобласці Расіі. Вялікая колькасць там загінула. Нядаўна ў Пхеньяне была закладзена алея ў гонар загінулых.