На святы Беларуская чыгунка прызначыць больш за 40 дадатковых цягнікоў
Беларуская чыгунка ў перыяд красавіцкіх і майскіх свят плануе павялічыць колькасць цягнікоў, каб справіцца з ростам пасажырапатоку.
Здымак ілюстрацыйны. Фота з сацсетак
З 17 красавіка да 10 мая будзе прызначана 44 дадатковыя цягнікі. З іх 36 будуць курсаваць па ўнутраных маршрутах — найперш паміж Мінскам і такімі гарадамі, як Брэст, Гомель, Магілёў і Пінск.
Яшчэ 8 цягнікоў прызначаныя для міжнародных напрамкаў — у бок Санкт-Пецярбурга і Масквы.
Найбольшая колькасць дадатковых рэйсаў запланаваная на дні з найбольшым попытам: 17, 21 і 30 красавіка, а таксама 3 мая.
У чыгунцы адзначаюць, што работа па дадатковых цягніках працягваецца. Калі попыт будзе расці, могуць павялічыць колькасць месцаў і ў звычайных рэйсах.
Такія меры патрэбныя, каб пасажыры маглі без праблем дабрацца ў святочныя дні і пазбегнуць перапоўненасці транспарту.
Чытайце таксама:
Чыгунка праз рамонт моста зрабіла змены ў раскладзе цягнікоў
Цягнік Гомель — Мінск зламаўся ў Магілёўскай вобласці
Белчыгунка аднавіла рух яшчэ 14 цягнікоў Stadler па маршруце Мінск — Беларусь
Беларуская чыгунка закупіць 20 кароткіх электрычак на 4 вагоны. Вось што пра гэта вядома