Украінскія беспілотнікі ўдарылі па вытворчасці каўчуку ў Тальяці
Таксама быў атакаваны Таганрог.
У ноч на 4 красавіка ўкраінскія дроны нанеслі ўдар па Тальяці ў Самарскай вобласці.
Паводле словаў губернатара, асколачнае раненне атрымаў супрацоўнік аднаго з прамысловых прадпрыемстваў горада, таксама дрон трапіў у дах жылога шматпавярховіка.
Дроны маглі атакаваць два хімічныя прадпрыемствы — «Тальяцікаўчук» і «Куйбышаўазот».
Таксама ўдар быў нанесены па Таганрогу ў Растоўскай вобласці. Пашкоджана камерцыйная інфраструктура: узнік пажар на складзе лагістычнай кампаніі
За некалькі кіламетраў ад берагавой лініі быў атакаваны сухагруз пад сцягам замежнай дзяржавы.